عاجل
أنت هنا: الرئيسية / أخبار في صور / الشوافة طامو تفتح كتاب إدريس لشكر أمين عام اشتراكي المغرب
الشوافة طامو تفتح كتاب إدريس لشكر أمين عام اشتراكي المغرب

الشوافة طامو تفتح كتاب إدريس لشكر أمين عام اشتراكي المغرب

السي إدريس يهديك الله خلي حزب بنبركة في التيساع راه ريحتك فاحت و وصلت إلى بلاد السند و ما بقى ما يتغطى واش نتا مناضل و لا مردا عند اسيادك في الداخلية… و البام…

شفت… و شفت حتى عييت و ما بان لي في كتابك غير الخيانة و التقوليب و قلة النية و كثرة الكذوب و تاحرايميت. سير أخويا دير ليك شي رجيم و خلي اللي ما بقى من ذاك الحزب المسكين في التيساع… راه ذنوب هداك الحزب غادي تخرج عليك بمرة كما خرجت  اللي خانوه و باعوه قبل منك… شوف آش جرا للمعطي بوعبيد و أرسلان الجديدي و رباعتهم… واحد دار حزب إداري مشوه و سماه “دستوري”… و الآخر ركب على ظهر العروبية باش يصبح وزير و هو ما تيفك الليف من العصا… و أنت زعما محامي عيا ما ينفخ فيك الهازعي بلا فائدة، و طلعت آخر واحد في قسم “القانون الدستوري” اللي تايفهمو الشاوش ديال البرلمان… اللي يستاهل بلاصتك في الحزب و في البرلمان…

شفت الايام الجاية غادي تكون صعيبة بزاف عليك… و الدنيا كلها غادي تتقلب و تشقلب عليك و دوك اللي زورو المؤتمر و نتائجه غادي يدورو فيك و ينكروك لانك زيدتي فيها و بغيتي تغير حتى قانون الميراث في الاسلام، داروك بيدق في الحزب و أصبحتي نبي تتحلل و تتحرم و تتضرب عباد الله و تسبق تبكي و تشكي بيهم…

خلاص أخويا من هاد التبهديلة و جمع حويجاتك و سير لتغجيجيت إلى قبلو عليك و ربي بهيماتك و معيزاتك و خلي حزب المهدي في التيساع راه يطلع ليك من قبره و يسلخك سلخة ديال الصح…

ها ودنيا منك، اسمعني مزيان… راه اللسان ما فيه عظم… و ديالك أخويا طويل و ما عندو فرانات و ماينافسو غير لسان السيكليس صاحبك شباط اللي كيوالمك و توالمو… و طاح الحك و صاب غطاه…

استغفر ربك اسي ادريس و خليك من داك “التبوحيط” كيما تايقولو عندكم في تاغجيجيت بلاد الصدق اللي تلعاط مسيلمة الكذاب الجديد اللي مسخ حزب قديم و عريق و رجعو بوتيك لالياس العماري و رباعتو و الله يستر أولدي و يرد بيك و خا فالك ما تيبشر بخير

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى