الناقوس.نت جريدة سياسية جامعة
حفيظ بنهاشم-مدير الاحباسات سابقا
شفت أولدي حفيظ راك صكاع بزاف و اللي فيه الفز كيقفز.. كونتي ساد على عباد الله قفاصاتك و تتفرج فيهم كشي حيوانات… وجاو الخوت وجمعو ليك رجيلاتك و داروا ليك فوق ظهرك اللي درتي و اللي ما تردتي.. هاذوك أولدي غير دعاوي المساكين اللي ضرباتك.. دارو ليك غير داك ديال طاحت الصمعة علقو الحجام.. و انت فعلا حجام كبير مصيتي دميات الصغير و الكبير مع صاحب نعمتك الغير المأسوف عليه ادريس البصري، وعلا بوش، و جميل، و حصار.. وزيد وزيد…
أولدي فلتي من فضيحة المنظري، و على مابالك آش درتي معاه و دار معاك… خط الضمياتي بين لي كل ديك الافعال… غير الله يستر و خلاص..
… بنيتي أوليدي و عليتي و وصلتي على ظهر اللي يسوا و اللي ما يسوا حتى داروك الرئيس الصغير ديال الحبس الكبير ملي جات المناسبة غسلوا فيك يديهم و كركبوك للزنقة تشكي على شي حاجة هاذ المرة.. و غير هاذ المرة ما درتيهاش.. اللهم اتدار ليك أولدي…
كنتي عزيز على الحسن الثاني .. كان تيشوف فيك صورة البصري… أما ولدو فاهم اشنو البصري و أشنو تريكتو.. واش هي الضربات ديالهم من تحت السمطة…
جرب تدخل لشي بنيقة باش تذوق حريرة الاحباسات اللي تزاد فيها البصري، و كان اباه “سورقيون” فيها.. و ورثوها ليك…
الله يعاونك مع ديك الورثة … و يزيد من غالفانات ” اللي فضحوكم و عراو ليكم على اللاص…
