عاجل
أنت هنا: الرئيسية / أخبار في صور / الشوافة طامو تفتح كتاب حكيم بنشماس رئيس المجلس الوطني للبام

الشوافة طامو تفتح كتاب حكيم بنشماس رئيس المجلس الوطني للبام

2179053-3037198

أولدي حكيم باين فيك الجد و الفهامة الصحيحة للسياسة ديال المعقول، و الله أولدي ما فاهماش كيفاش ما تكون رئيس “البام” و لا أي حزب كبير كيحترم نفسو و هما اقلال في المغرب السعيد

الثقافة و المنطق و التواضع كلها جبتها من جذورك الريفية و أصول الشهيد الوالد ديالك اللي استشهد على قضية ما شي للبيع و لا للشراء…

في “البام” بزاف ديال الناس المعقولين جاو غير بسببك و أغلبيتهم مثقفين كذبوا عليهم كل الأحزاب من يمينها إلى يسارها و من وسطها إلى أقصاها…

شفت في خطك الصدق و الصح و خصموك في قيادة “البام” كثر من عديانك في “البيجيدي” و أصحاب الثور لشكر و الصكع شباط و الملون مزوار… غير القاعدة ديال الحزب معاك ريافة و سواسة و عروبية… أنت تبارك الله عليك نضجتي … و أصبحتي رقم صعب على “النمس” اللي شحال هاذي قال غادي “يتقاعد” و هو مازال “قاعد” على رؤوس البلاد و العباد بالسيف عليهم…

شفت ليك أولدي حكيم مستقبل زاهر في الجامعة و في “البام”، وكل ما تاتقول و تكتب عندو معنى و عندو ساس… و حتى الناس اللي ما كانو عارفين تعترفو بنزاهتك  و تاريخك و تاريخ عائلتك…

 أنت اولدي تاج فوق رؤوس كل مناضلي اليسار أصحاب قضية و الأيام قدامنا و ما كاين غير الخير و من جد حصد… و رد بالك من المنافقين اللي كايدورو عليك… مصلحتهم أولدي ماشي هي مصلحتك… و مبادئك سامية و هما ما عندهوم حتى مبدأ غير تشفارت، و الكذوب و التبوحيط و قلة الحياء….

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى