عاجل
أنت هنا: الرئيسية / أخبار في صور / الشوافة طامو تفتح كتاب عزيز أخنوش-وزير كلشي

الشوافة طامو تفتح كتاب عزيز أخنوش-وزير كلشي

عزيز اخنوش وزير كلشي

عزيز اخنوش وزير كلشي

أوليدي عبد العزيز… أمان.. أمان شحفني خط الضمياطي ديالك… و شفت داك الراس كبار على الشلوح… و رجاع فاسي كي بحال الوالدة.. و قلب البرمة على فمها تشبه أمها..

… أباك أوليدي كان داخل راسو… بدا “بالبومبة” ديال داك اليهودي و كملها بالبوطاغاز و أتاي و السكر مع واكريم… كان مسكين غير طالب معاشو، و اتحادي صحيح و سول بنسعيد آيت يدر اللي حافظ التاريخ ديال حماد اولحاج اللي اصبح أخنوش ديال “افريقيا” و “أكوا”.. و سيفط ولدو اللي جابتو “السلاوية-الفاسية” لكندا يقرأ شوية دالحروف يحساب بهم البوطات، و الخناشي ديال السكر… ما عمر باك أولدي حلم ولدو يصبح “ستار” هو و مرتو بنت “بلقايد ديال أتاي” في “موروكومول”… و يقلبو الدنيا… و يبيعو القرد و يضحكو على اللي شراه… شوية ديال الستر أولدي راه تاتزيد فيها ورد بالك راه “الكريديات” اللي عليك كثيرة بزاف… و غادي يهزك الماء و ماينفعك لا براج و لا فلوكة.. وخا أنتا وزير البرجات و الفلايك… وزادك السي بنكيران الله يجازيه المالية و الاقتصاد، باش اتدير عليها شاوش حتايجي سي مزوار اللي قلبتي عليه الفيستة و ضربتيها لو بنكرة في رأس العام و الناس محتافلة “بالريفيون”… و هذا هو أخنوش ديال الصح… و تبارك الله عليه يقلب الفيستة… و ما كذبو أولدي الشلوح اللي قالو ديال “ولاد أحماد و موسى” عزيز عليك التشقليب من البوطاغاز، للبومبات، للمارينا ديال أكادير اللي ضربتي فيها يديك أنتا و القباج، للجرائد اللي ما تيقرهوم حد بحال هادك “أوجردوي لوماروك” لمروكومول و الماركات و الصضعات ديال الدنيا… الكلام الخاوي بأنك الوزير اللي ما يتخلص من الحكومة… أنتا أولدي “خصخصتي” و “برفاتيتي” الحكومة… باركا من التبهديل أولدي راه الشعب عارف آش عندك… و منين جاوك وشكون مغرقك بالكريديات… و أنا الشوافة طامو عارفة أشنوكاين.. و ما تنفعك أولدي لا تيحيحت اللي جبتيهامن أحواش إلى البرلمان… و هاذي هي الديمقراطية التي تتفهم فيها أولدي..

تبارك الله عليك اعبد العزيز فايق، و عايق تتحدر راسك حتى تقضي غرضك، و تبيض تصويرتك و ترجع من الملائكة… “و تامازيرت” عارفة ملائكتها أولدي… و شوف هاداك “بيشة” وتعلم منو الخير و الإحسان اللي ما يتعلم لا في كندا و لا في مولاي ابيه…

استغفر الله عشرين مرة، و فهمنا آش ديرتي في أراضي “السوديا” و غيرها، و مليارات ديال الصيد البحري… وزيد… وزيد..

احنا أولدي تنتمنو ليك غير النجاح و بشوية عليك راه يزلكوك هادوك اللي تيطبلو و غنيو ليك و يغرقوك…

تنصح أوليدي غير تخلص من الحكومة وهنينا… اللهم عشرة دالملايين و لا عشرة دالملايير ديال المارينا.. و البوطاغاز.. و ملايين الحكومة بالسانتيم… و مليار المارينا بالدولار…

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى