عاجل
أنت هنا: الرئيسية / أخبار في صور / الشوافة طامو فتحت كتاب أحمد التوفيق

الشوافة طامو فتحت كتاب أحمد التوفيق

أحمد التوفيق

أحمد التوفيق

أحمد التوفيق-وزير المسيدات

دير يديك أسي أحمد فوق قلبك واشكي يللي ضرك.. و بلا ما تغمض عينيك.. شوف فيا عينك في عينيا… بان لي بزاف التخرشيش في عينك… كيما تلفزيون صاحبك العرايشي.. التخرشيش، و الكذوب، و الكلام اللي ما يدي ما يجيب.. حادق اولدي غير في حلان و سدان الجوامع بكري ارجعتي كشي “كونسييرج” هاز السروت.. حاط السروت.. و خلي الناس تصلي في خواطرها “مخزني ديال سيدي ربي” و لا وزير ديال الجوامع اللي ما عمرهوم تحرقوا و طاحو صوامعهم و تخربوا محاربهم في عهد خور بحال عاهدك.. الله يجيب العفو و الستر من هنا القدام…

ضربتها بنكرة “للسبانسور” ديالك في التوزيرة الشيخ حمزة البودشيشي غير نشفو رجيلاتك من قطيع الواد و انتا تقلب السلهام.. و تلبس الفيستة ديال المعاصرة.. و تجري على كل العلماء و تخلي حداك غير طالبين معاشهم في المسيدات جريتي على السي العبادي اللي راسو عامر تبارك الله بالعلم و كلام سيدي ربي و جابتي “الرعيان” اللي تيبعوا و يشريو في بلايص الحج.. و في “سوارت” الحوانيت… و “تيترات” الاوقاف..

.. و هاذي هي الشؤون الاسلامية و إلا فلا… حتى خطبات الجمعة رجعتيها كي خطبات راديو و تلفزيون صاحبك العرايشي توحدتو في كل شي في الصحاب و في الاحباب و في الافعال و في الحسابات الخاوية…

سديتي ديور القرآن و كملتيها بالمدارس العتيقة اللي خرجات أكثر من الثلثين ديال القضاة و العلماء ديال البلاد و خرجتي قوانين بحال ديال قراقوش اللي حاترد علماءنا بحال “البيروكي” يعاودو الكلام اللي طبختي ليهم.. حتى يطبخ راسهم.. و ديك الوقت سيفطهم “لسبيطار الحمقى” في سلا (مستشفى الرازي) اللي ولدك الله يحفظوا ليك هو الرئيس ديالو باش يلقا ليهم الدوا.. و يلقى ليك الدوا معاهم

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى